مش عارف ده يعتبر ايه بالظبط وايه هيه اسبابه ، شئ فظيع ومقزز بصراحه , احنا وطنيين وبنحب بلدنا بجد ولا بنكدب علي نفسنا و كل واحد مننا بيتسلي بشويه كلام والسلام واهو يستفيد من قاعدته قدام الانترنت ويلاقي حاجه يتكلم فيها ويضيع فيها يومه ، تقريبا كلنا مانعرفش حاجه عن الوطنيه ، طب احنا عملنا ايه لبلدنا لغايه دلوقتي والله ولا حاجه غير شويه كلام في منتديات ومدونات ، اما الموضوع الاساسي هو __ الشباب اصبح حلم حياتهم الهروب من الخدمه العسكريه واصبح من يتم تأجيل خدمته من الفرحين والمحظوظين وصاحب حق ان نبارك له جميعا علي انه لن يؤدي الخدمه ولانه ذو حظ عظيم ــــ طب ليه فرحان ومبسوط انك مش هتدافع عن بلدك ومش هتتعلم مسك السلاح وبعض العلوم العسكريه اللي هتنفعك لو بلدك دخلت حرب فالح بس تقعد قدام الانترنت وتقول قال الله وقال الرسول ( عليه الصلاه والسلام) وتدوش دماغنا بالحزب اللي خاربها وانت زيك زي اعضائه بتهرب من خدمه بلدك ومبسوط انك مادخلتش الجيش ،، بلاش نكدب علي بعض مافيش حد في مصر بيحب مصر او بيكرهها ممكن بمزاجه وارادته يدي لمصر ويتنازل عشانها كلنا عايزين ناكل في خيرها ونأنتخ ونشتم في الحكومه ونطالب بحريه وديمقراطيه , حريه ايه وديمقراطيه ايه والله ماني عارف بس هقول يافرحه الاعادي فينا
يافرحتك يا اسرائيل
يافرحتك يا اسرائيل
