معادله و تكشيره

ليه الدنيا اتغيرت والناس اتحولت ليه البسمه الجميله عن الوجوه اتبدلت وسكنت مكانها التكشيره وفي القلوب اتمكنت , مشاكلنا زادت واصبحت اكبر واكثر تعقيدا كما فقدنا الامل في تغيير الواقع الذي كان من المأمول تغييره , فمثلا مشكله الصراع العربي الاسرائيلي تطور من حلم الدفاع ضد مخطط اقامه الدوله الاسرائيليه الي حلم اقامه الدوله الفلسطينيه حتي حلم توحيد الفلسطينيين انفسهم واصبح الصراع اكثر تعقيدا ،، كنا قديما نحلم مع قادتنا بتحرير الاراضي والعبور ببلادنا من الفقر والجهل الي التقدم والعلم اما الان فقد اختزل طموحنا بل واصبح هو التخلص من قادتنا انفسهم وتغييرهم وايجاد بدائل قادره علي الاقل ان تعيد الي قلوبنا حب الاوطان ،، كنا قديما نعاني من مشاكل في التعليم اما الان فمشكلتنا انه لا يوجد لدينا تعليم ،، الصحافه قديما كانت صاحبه قلم مكسور اما الان فالاقلام ما اكثرها وما اقواها ولكنها كالهاتف الصامت مهما اتصلت به فلا تسمع اي صوت فكم من كاتب وكم من صحف قوميه وحزبيه ومستقله ولكنها غير مؤثره ،، ايام زمان كنا مش لاقيين الفاكهه غير مره في السنه بس كان ليها طعم والان نجدها بشكل اسبوعي علي الاقل ولكننا نفضل عدم اكلها حيث لاطعم ولا رائحه ،، الانسان زمان كان بيخاف يجيله برد او انفلونزا دلوقتي هنخاف من ايه ولا ايه انفلونزا الطيور ولا الخنازير ولا الايدز ولا السرطانات بانواعها ولا ايه ولا ايه ،،الواحد كان بيصرف فلوسه ودخله علي الاكل والشرب واللبس وممكن المسكن واليومين دول هنصرف فلوسنا لما يبقي فيه فلوس اصلا علي الاكل والشرب واللبس وفواتير الكهرباء والمياه والنظافه والغاز والتليفون الارضي والموبايلات والانترنت ووصله الدش المركزي والمواصلات وادويه السكر والضغط طبعا ،،،
من الاخر :::: معادله الحياه هي انسان ضعيف وسط اكوام مشاكل + ضعف ايمان وعقل= ايام سوده
كلنا عارفين الفرق بين امبارح و النهارده وبكره وهو كالاتي امبارح كان يوم وعدي ونسيته والنهارده هحاول ابقي احسن وبكره انا متأكد اني هفشل اكون احسن ،،

تفتكروا ايه سبب اللي احنا فيه ده كله ؟؟ انتظروني قريبا في ((الانسان و مشوار الي الدمار ))